Cultures 27. Revista asturiana de cultura

La revista d’estudios culturales de l’Academia de la Llingua Asturiana estrenó en payares de 2023 el so númberu 26. Nesti volume sigue afondándose en temátiques yá trataes, como la consideranza del llobu n’Asturies. Sicasí, tamién hai güecu pal estudiu de lliteratura oral tradicional y la so trescripción nel sieglu XX, les creyencies y rituales en Palacios del Sil, los remedios melecinables o la reflexón sobre’l llugar d’Asturies nel paisaxe sociocultural contemporáneu. Amás d’ello, tamién se recueyen collaboraciones qu’estudien les práutiques de l’arqueoloxía agraria, l’asturianu na documentación medieval de Balmonte, les figures y personaxes venceyaos al sector ganaderu del sieglu pasáu y un analís de práutiques específiques na collecha de la mazana y el so por qué.